ناجيات من سرطان الثدي في مصر يؤكدن على أهمية الأمل بمرحلة العلاج من المرض

الإصابة بسرطان الثدي ليست بالضرورة النهاية ، هذا ما اثبتته التجارب لناجيات مصريات من المرض الفتاك ، تجربة مريرة مع العلاج استمرت لسنوات يلخصنها في هذه العبارات غادة حمدي ناجية من سرطان الثدي رسالة بوجهها لكل امرأة في العالم المرض ده مش نهاية العالم ده بدايته، الحياة من بعد مختلفة شوية ولكنها أحسن لأن رب العالمين امتحنك واللي بيمتحنه يعني  بيصطفيه يعني بيختبره  تزعليش ما تيأسيش الحياة من بعدها سليمة وزي الفل؛ انا بقالي 13 سنة انا ام ل 3 ابناء طالب شرطة وبنتين في المرحلة الاعدادية لازلت  على علاقة رائعة بأسرتي وزوجي وأهلي وأصحابي الحياة زي ماهي لونها بينكي وده اللي أنا بتمني إن كل مريض سرطان يعرفه وكل امرأه تحاول أنها تتفادى المرض ده طب لو ربنا اختبرها بيه مخلصتش الدنيا عند كده "

ايمان فهيم ناجية من سرطان الثدي 
 الحمدلله دلوقتي عايشه حياتي طبيعية والحمدلله بمساندة كل اللي حواليا هي بتبقى تجربة طبعاً ، انا بنصح كل واحدة بتمر بالتجربة دي انها تعتبرها مرحلة وهتعدي من حياتها وبعد كده بترجع تمارس حياتها تاني بدون اي مشاكل ولا بدون اي تعب. هي طبعاً بتبقى مرحلة قاسية والخبر نفسه وقعه بيبقى صدمه على أي واحدة بتعرف بس مع التطور العلمي ومع المعلومات اللي الواحد عرفها ننصح دائما بالكشف المبكر وخصوصاً لو في حد في الاسرة عنده اصابة لازم لازم البنات تكشف كشف مبكر علشان بيبقى في احتمال عامل وراثي في الموضوع، فكل ما يكون بدري كل ما يكون أفضل؛ وطبعاً بنناشد ان اي حد عنده اصابة المساندة عليها عامل كبير احنا كمرضي بنبقى محتاجين حد يطبطب علينا حتى "