القاهرة،مصر،10 مارس 2014،ندى عبد السلام، أخبار الآن-

 في مصر تفتخر المرأة بهويتها ،و عاداتها ، كما تجتهد دائما لتبرز دورها في المجتمع و ان كان من خلال منتوج محلي يدوي تنافس به السلع المستوردة في معرض الصناعة اليدوية الذي نظمه بيت السناري اﻻثري بمناسة اليوم العالمي للمرأة ، المزيد في تقرير ندى عبد السلام

 سلع ومنتجات مستوردة تغزو السوق المصرية وتجد رواجاً كبيراً بحجم واردات يصل إلى 4 مليار دوﻻر سنوياً يقول احد الباعة ” عامة الحاجة اللي بتبقى نازلة بره بتبقى احسن شوية كماتيريل وخامة وكل حاجة “

مشتري ” ﻻزم نشجع البضاعة المصرية ازاي ؟  ان اﻻسعار المفروض اللي بتنزل من المصنع تنزل صح “

غير ان الحرف اليدوية ، مازالت تجد من يهتم بها بل و يروج لها في معرض الصناعة اليدوية ، كهؤلاء النسوة اللاتي دخلن السوق بقوة للمنافسة  وهناء يوسف واحدة منهن ، جميع منتجاتها من مواد اساسية مصرية ، الجلد طبيعي و الخامات ، الهدف منها المصداقية في شعار”صنع في مصر”

 تقول هناء يوسف مصممة مشغوﻻت جلدية ” هدفي من الموضوع ان المنتج كله هاند مايد واحياء الطراز القديم فببدأ اجيب الحيوان واحدد انا عاوزة اعمل ايه شنطة او محفظة وابدأ اقص المنتج اللي هعمله واخرمه بخرامه كلها هاند مايد خالص واقص كل القطع وابدأ اجمعها مع بعض بخيط واقصه بمقص معين للجلد وبخيطها في اﻻخر “

هناء واحدة من 10 فتيات يهدفن إلى التعريف بالصناعة المصرية الحرفية ومدى جودتها و كذلك التعرف على قدرة المرأة المصرية في صنع منتجات تتفوق على أي منتجات خارجية

تقول صباح أبو راس مصممة أزياء ” اللي بيميزني درجات ألواني تركيبها طريقة الشغل ﻻن كلها هاند مايد فبتبقى حركة اﻻيد فبها سبحان الله هي حاجة ربانية بس بتبقى حته ان الواحد بيشغل دماغه شوية ويفكر ويبص للطبيعة “

تقول رشا حسنين مصممة نحاس واحجار كريمة ” مفيش اي منتجات او اي خامات من الخارج ده احياءا للتراث وطبعا عشان نحافظ على الحرف التقليدية في مصر من اﻻندثار ونبقى دائما نوضح ان السوق المصري هو أقوى اﻻسواق وده بنحارب بيه كل المنتجات اللي جاية من بره “

وبحسب خبراء اﻻقتصاد فان 25 الف فرصة عمل ستوفرها هذه الحرف للدولة في حال ﻻقت اﻻهتمام

ايمان صدقي مسئولة العﻻقات الخارجية ببيت السناري ” هنا في بيت السناري بنعمل ورش عمل وفي سيدات بتتعلم منا وبعد كده جزء من السيدات بتكمل معانا وتدرب ناس تانية وجزء من السيدات التانية بيعملوا مشاريع صغيرة “

تقول جيهان اﻻعصر كاتبة ومخرجة سينمائية ” الدولة ليها دور في انها تلقى الضوء وتغيير وعي المواطن اللي ماشي في الشارع تعرفه حقيقة هو بيعيشها يوميا ومش واخد باله منها ان 40% من اقتصاد مصر معول على أكتاف الستات ” نماذج نسائية ناجحة تحكي اعمالهم اليدوية عن جيل واعي مثقف من الفتيات يحاولن احياء تراث بلدهن