أخبار الآن | عمان – الأردن (رويترز)

بهيأته المعروفة وزيه المبهج باللونين الأحمر والأبيض وغطاء الرأس المميز، ينزلق بابا نويل على الحبال معلقاً بين السماء والأرض لينثر الهدايا على الزوار الذين توافدوا بالألوف على منطقة التسوق الرئيسية في العاصمة الأردنية عمان للاحتفال بعيد الميلاد .

وفي مركز البوليفارد للتسوق، يحتشد الأردنيون من جميع الأعمار والثقافات والأديان، للاستمتاع بمباهج عيد الميلاد منذ بداية الشهر.

وقال كنان جردات، المدير التجاري لشركة بوليفارد العبدلي، “ما يميز هاي السنة بالكريسماس ورمضان بنعملها دايما لكل الأردنيين وكل السياح العرب والأجانب عشان هيك بتلاقي أعداد الناس خلال فترة الكريسماس بتوصل حوالي نص مليون بني آدم وهاي شغلة ممتازة لأنه الناس بتلاقيهم بحبوا ييجوا على البوليفارد وبرضو البوليفارد بحب يستقبل الناس فدايما بنعمل شغلات متميزة بنلاقي أعداد الناس كلايتها عمي تيجي وإن شاء الله مبسوطين فيها”.

وصمممت أنشطة ترفيهية متنوعة لإمتاع آلاف الزوار القادمين هذا العام من مختلف أنحاء الأردن ومن الخارج، بما في ذلك العروض الموسيقية والبازارات.

ويقول يوسف حجازين وهو زائر بمنطقة البوليفارد “شغلة ممتعة إنه الأسرة كاملة كبار وصغار إلهم نشاطات موجودة ولقاء ممتع كل الناس إسلام ومسيحية وهادا المهم إنه هاي الأنشطة بتجمع كل الثقافات إلي بالأردن موجودة كل الاختلافات كل الديانات إسلامية ومسيحية ما في فرق سواء بالكريسماس أو برمضان”.

يقول المنظمون إن من المتوقع أن يصل عدد الزوار إلى 500 ألف بحلول نهاية هذا الشهر، ارتفاعًا من 420 ألفا في العام الماضي.

وتعرب الزائرة وفاء الريان عن شعورها بالسعادة وسط هذه الأجواء في عمان.

وتقول “والله أنا رحت على أوروبا وأمريكا وحضرت هناك الكريسماس لا في الأردن إشي ثاني بين الأهل وكل إشي متوفر عنا.. برا مش أفضل عنا لا نهائي.. وإحنا كتير مبسوطين.. أنا كل سنة باجي على البوليفارد يعني في كل مرة إشي جديد”.

مصدر الصورة: رويترز

أقرأ أيضا:

الكسوف الحلقي يطل على العالم في ساعات الصباح الأولى (فيديو)